ISET-ის ხაჭაპურის ინდექსის მიხედვით, 2016 წლის სექტემბერში სტანდარტული ზომის იმერული ხაჭაპურის გამოცხობა 3.43 ლარი ღირს, რაც აგვისტოთან შედარებით 8.6%-ით მეტია. აგვისტოსთან შედარებით ფასების ზრდის მიზეზი ფასების სეზონური ზრდაა.
2015 წლის სექტემბერთან შედარებით, ხაჭაპურის გამოცხობა 0.8%-ით გაიაფდა. ინდექსი ხაჭაპურის ინგერედიენტების ფასების ცვლილებაზეა დამოკიდებული. ანგარიშიდან ირკვევა, რომ ხაჭაპურის ინგრედიენტებში ყველაზე მეტად - 17%-ით კარაქი გაძვირდა, 7%-ით კი კვერცხი გაიაფდა.
2015 წლის სექტემბერთან შედარებით ხაჭაპურის ინგრედიენტების ფასების ცვლილება ასე გამოიყურება:
- კარაქი - გაძვირება 17%
- საფუარი - გაძვირება 9%
- ფქვილი - გაძვირება 2%
- რძე - გაძვირება 1%
- ყველი - გაიაფება 3%
- კვერცხი - გაიაფება 7%
ISET-ის შეფასებით, ინგრედიენტების ფასები ძირითადად საერთაშორისო ბაზრზე მომხდარ ცვლილებებს ემორჩილებოდნენ, გარდა ერთი შემთხვევისა - ხორბლის მაღალი მოსავლის გამო მსოფლიოში ფქვილის ფასი 24%-ით შემცირდა, თუმცა ქართულ ბაზარზე ეს შემცირება ჯერ-ჯერობით არ ასახულა.
ISET-ის ანგარიშის მიხედვით, ქართულ ბაზარზე ფქვილის საერთაშორისო ფასების ასახვას დაახლოებით 7 თვე ესაჭიროება, ამასთანავე ფქვილის ფასზე ტრანსპორტირების ხარჯებიც ახდენენ გავლენას.