ე.წ. ციანიდის საქმის განხილვა სასამართლოში მთლიანად დახურულ ფორმატში გაიმართება. გადაწყვეტილება მოსამართლე ბესიკ ბუგიანიშვილმა მიიღო.
საქმის განხილვის სრულად დახურვა პროკურატურამ მოითხოვა. ბრალდებამ მოთხოვნა იმით დაასაბუთა, რომ საქმეში არსებობს აუდიო, ვიდეო და წერილობითი მტკიცებულებები, რომელიც როგორც ბრალდებული მამა გიორგის, ისე სხვა პირების პირად ცხოვრებასთან დაკავშირებულ ინფორმაციას და ხშირ შემთხვევაში ინტიმურ დეტალებს შეიცავს.
ამის შემდგომ, დეკანოზმა გიორგი მამალაძემ პროტესტის ნიშნად დარბაზი დატოვა და ადვოკატებსაც პროცესის ბოიკოტირებისკენ მოუწოდა.
მოსამართლე ბესიკ ბუგიანიშვილი ე.წ. კაბელების საქმეს განიხილავდა, რა დროსაც თავდაცვის სამინისტროს ყოფილ მაღალჩინოსნებს 7-7-წლიანი პატიმრობა შეუფარდა.
