დღეს, ბრიუსელში NATO-ს სამიტი გაიმართება.
NATO-ს სამიტში პირველად მიიღებენ მონაწილეობას აშშ-ის პრეზიდენტი დონალდ ტრამპი და საფრანგეთის პრეზიდენტი ემანუელ მაკრონი.
გარდა ამისა, დღეს ალიანსის შტაბ-ბინა ახალ შენობაში გადავა.
სამიტზე ალიანსის წევრები ერთობლივი თავდაცვის ბიუჯეტისთვის მშპ-ის 2 %-იანი შესატანის საკითხს განიხილავენ.
Reuters-ის ცნობით, აშშ-ის პრეზიდენტ დონალდ ტრამპთან შეხვედრაზე საფრანგეთი და გერმანია დათანხმდებიან აშშ-ის გეგმას, ე.წ. ისლამური სახელმწიფოს წინააღმდეგ ბრძოლაში ალიანსის როლის გაზრდაზე, თუმცა, ეს გარკვეულწილად სიმბოლური ნაბიჯი იქნება.
NATO-ს გენერალური მდივნის, იენს სტოლტენბერგის თქმით, დღევანდელი სამიტი აჩვენებს ალიანსის ტრანსფორმირების უნარს ამ ცვალებად სამყაროში.
სტოლტენბერგმა ასევე აღნიშნა, რომ NATO-ს წევრი ქვეყნების პარლამენტებმა უკვე მოახდინეს ალიანსში მონტენეგროს მიღების პროტოკოლის რატიფიცირება და უკვე ივნისის დასაწყისში მონტენეგრო ალიანსის 29-ე წევრი გახდება.