თბილისში, დოლიძის ქუჩაზე ბანკიდან გამოსული ადამიანი დააყაჩაღეს - ინფორმაცია ტაბულას შინაგან საქმეთა სამინისტროში დაუდასტურეს. გავრცელებული ინფორმაციით, დაზარალებული სწრაფი გადახდის აპარატების ინკასატორია.
უწყებაში დამატებითი დეტალების შესახებ არ საუბრობენ და ამბობენ, რომ საგამოძიებო მოქმედებები მიმდინარეობს.
შსს-ს ცნობით, გამოძიება სისხლის სამართლის კოდექსის 179-ე მუხლით მიმდინარეობს, რაც ყაჩაღობას გულისხმობს.