ლონდონის ჩრდილოეთ ნაწილში, ფინსბერის პარკთან მდებარე მეჩეთთან შეკრებილებს ფურგონმა გადაუარა, შედეგად დაიღუპა ერთი და დაშავდა 8 ადამიანი.
ბრიტანული მედიის ინფორმაციით, დაკავებულია 48 წლის მამაკაცი.
პრემიერმინისტრ ტერეზა მეის თქმით, პოლიციელები მომხდარს "შესაძლო ტერორისტულ აქტად" აფასებენ.
მუსლიმთა საბჭო ბრიტანეთში აცხადებს, რომ ფურგონმა მლოცველებს გამიზნულად გადაუარა.