ეროვნულ დემოკრატიული ინსტიტუტის ბოლო კვლევის თანახმად, გამოკითხულთა 58% ეთანხმება მოსაზრებას, რომ მის ადგილობრივ ხელისუფლებაში პროფესიონალიზმის პრობლემაა. 27% არ ეთანხმება, ხოლო 15%-მა არ იცის.
მოსაზრებას, "ჩემს ადგილობრივ ხელისუფლებაში ნეპოტიზმის პრობლემა არსებობს", NDI-ის გამოკითხულთა 46% ეთანხმება, 30% - არ ეთანხმება, 24%-მა არ იცის.
ამასთან, გამოკითხულთა 35% ფიქრობს, რომ მის ადგილობრივ ხელისუფლებაში კორუფციის პრობლემაა. 38% არ ეთანხმება ამ მოსაზრებას, ხოლო 26%-მა არ იცის.
NDI-ის კვლევის საველე სამუშაოები ჩატარდა 18 ივნისი - 9 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით), 2261 პირისპირ ინტერვიუს წარმომადგენლობითი შერჩევის საფუძველზე. NDI-ის კვლევებს ატარებს CRRC-საქართველო.
ცდომილების ზღვარია +/-2.2%.
