ხანძარი მთაწმინდაზე

პრემიერი: მადლობა ყველას, ვინც სიცოცხლის რისკის ფასად უზრუნველყო ხანძრის ჩაქრობა

0 კომენტარი
ფოტო: ტაბულა

საქართველოს პრემიერმინისტრი გიორგი კვირიკაშვილი გუშინ მთაწმინდაზე ხანძრის დროულად ლიკვიდირებისათვის საგანგებო სიტუაციების სამსახურს, მაშველებსა და მეხანძრეებს მადლობას უხდის. პრემიერის განცხადებას მთავრობის ადმინიტრაცია ავრცელებს. 

"განსაკუთრებული მადლობა მინდა გადავუხადო შსს-ს საგანგებო სიტუაციების მართვის სააგენტოს, ჩვენს მეხანძრეებს და მაშველებს ძალიან ოპერატიული მუშაობისთვის. მათ მთაწმინდის რაიონში საკმაოდ რთულ რელიეფზე, უმოკლეს დროში მოახდინეს ხანძრის ლოკალიზება და შემდეგ, დარჩენილი კერების სრულად ლიკვიდირება. ამით მათ საფრთხე აარიდეს მოსახლეობას. ამასთან, მთელი ღამის განმავლობაში ჩვენი შესაბამისი სამსახურები მობილიზებულნი იყვნენ შემთხვევის ადგილზე და ატარებდნენ პრევენციულ სამუშაოებს. ფაქტზე დაწყებულია გამოძიება. კიდევ ერთხელ მინდა მადლობა გადავუხადო ყველას, ვინც საკუთარი სიცოცხლის რისკის ფასად, უზრუნველყო ხანძრის ლიკვიდირება და მოსახლეობისთვის საფრთხის არიდება." - წერია განცხადებაში.

მთაწმინდის ფერდობზე გუშინ ღამით ხანძრის შედეგად, 2 ჰეტარის ფართობის მწვანე ნარგავები დაიწვა. 

შსს-ში ხანძარზე გამოძიება სისხლის სამართლის კოდექსის 188-ე მუხლით დაიწყო, რაც სხვისი ნივთის განზრახ დაზიანებას გულისხმობს.

ახალი ვიდეო მეტი ვიდეო

წარსულში ნასამართლევი პირი თბილისში მოპედის ქურდობისთვის დააკავეს

კომენტარები