სამართალდამცველებმა სოფელ ფონიჭალაში სპეცოპერაცია ჩაატარეს და ნარკოტიკული საშუალების უკანონო შეძენა-შენახვა-გასაღების ბრალდებით, ერთი პირი დააკავეს.
შსს-ს მტკიცებით, 1987 წელს დაბადებული ე.ჯ. ნარკოტიკულ საშუალებას სისტემატურად ყიდდა.
"პოლიციამ ე.ჯ.-ს მიერ მოქალაქისთვის მიყიდული, 4 შეკვრად დაფასოებული ჰეროინი ნივთმტკიცებად ამოიღო. გამოძიება ნარკოტიკული საშუალების უკანონო შეძენა-შენახვისა და გასაღების ფაქტზე მიმდინარეობს (საქართველოს სსკ-ს 260-ე მუხლის 1-ლი და მე-4 ნაწილებით)" - აცხადებს შსს.
