სამართალდამცველებმა ოჯახში ძალადობის ბრალდებით ერთი პირი დააკავეს. შსს-ს ცნობით, 1979 წელს დაბადებულმა დ.ჯ-მ ცოლზე ფიზიკურად იძალადა. დაზარალებულმა ამის შესახებ პოლიციას აცნობა.
"ასევე დადგინდა, რომ დ.ჯ.-მ მეუღლის მიმართ ანალოგიური ქმედება წარსულშიც რამდენჯერმე ჩაიდინა. სამართალდამცველებმა დ.ჯ. საკუთარ ბინაში დააკავეს. ბრალდებული ჩადენილ დანაშაულს აღიარებს" - აცხადებს შსს.
გამოძიება ოჯახის ერთი წევრის მიერ ოჯახის სხვა წევრის მიმართ ძალადობის და სისტემატური შეურაცხყოფის ფაქტზე მიმდინარეობს (საქართველოს სსკ-ს 126-ე პრიმა მუხლის 1-ლი ნაწილით).