სახელმწიფო უსაფრთხოების სამსახურის ინფორმაციით, ბერი გაბრიელ სალოსის გამზირზე ჩატარებული სპეცოპერაციის შედეგად, სუს-ის და შსს-ს ოთხი თანამშრომელი დაიჭრა. ნინო გიორგობიანმა ბრიფინგზე განაცხადა, რომ დაკავებულია დანაშაულებრივი ჯგუფის 1 წევრი, ლიკვიდირებულია - 3.
"სამწუხაროდ, სპეცოპერაციის დროს დაიღუპა სახელმწიფო უსაფრთხოების სამსახურის ერთი თანამშრომელი და დაიჭრა ორი. ამასთანავე, დაჭრილია შინაგან საქმეთა სამინისტროს განსაკუთრებულ დავალებათა დეპარტამენტის 2 თანამშრომელი“, - თქვა გიორგობიანმა და სამძიმარი გამოუცხადა დაღუპულის ოჯახს.
ბერი გაბრიელ სალოსის ქუჩაზე სპეცოპერაცია გუშინ ღამიდან მიმდინარეობდა.
