ვანო მერაბიშვილის საქმე

მერაბიშვილის ბოიკოტი სასამართლოს - ყოფილმა პრემიერმა ადვოკატებს აცილება მისცა

0 კომენტარი
ფოტო: Reuters

ვანო მერაბიშვილის ადვოკატები საერთო სასამართლოებში მიმდინარე ყველა პროცესს ჩამოშორდებიან. ყოფილმა პრემიერმინისტრმა ადვოკატებს აცილება მისცა. ასევე, ვანო მერაბიშვილი აღარ დაესწრება 7 ნოემბრის საქმეზე მიმდინარე სასამართლო პროცესებს. გიორგი ჩივიაშვილის თქმით, სტრასბურგის სასამართლოს დიდი პალატის გუშინდელი გადაწყვეტილების შემდეგ, ვანო მერაბიშვილი პოლიტიკური პატიმარია და ამიტომ, ქართული მართლმსაჯულების მასკარადში მონაწილეობას აღარ მიიღებენ.

"სტრასბურგის დიდი პალატის მიერ ვანო მერაბიშვილის მიმართ დადგენილი იქნა მე-18 მუხლის დარღვევა. ის არის უკვე აღიარებული პოლიტპატიმარი, შესაბამისად, ამ დარღვევებში მონაწილეობდა საქართველოს ხელისუფლება, პროკურატურა, სასამართლო ხელისუფლება, ჩვენ მათ მიმართ ნდობის მანდატი აღარ გვაქვს. აქედან გამომდინარე, მერაბიშვილი ბოიკოტის რეჟიმში გადავიდა, გადავდივართ ბოიკოტის რეჟიმში და უნდობლობას ვუცხადებთ ქართულ მართლმსაჯულებას, რომელსაც წარმოადგენს საქართველოს სასამართლოები და პროკურატურა,“ - განცხადა ადვოკატმა გიორგი ჩივიაშვილმა და აღნიშნა, რომ "ხელისუფლებას შეუძლია, დანიშნოს სახაზინო ადვოკატი და ეს მასკარადი გააგრძელოს".

ადამიანის უფლებათა სასამართლომ დიდმა პალატამ ყოფილი პრემიერმინისტრის ვანო მერაბიშვილის საქმეზე გადაწყვეტილება გუშინ გამოიტანა. საქმე ეხებოდა ვანო მერაბიშვილის დაპატიმრებას და წინასწარ პატიმრობას, მისი საჩივრის მიხედვით. სასამართლოს გადაწყვეტილებით, ამ აღკვეთის უკან პოლიტიკური მიზნები იყო. 

მერაბიშვილმა საქართველოს დავა 9 ხმით 8-ის წინააღმდეგ მოუგო. სტრასბურგის სასამართლოს გადაწყვეტილებით, ყოფილი პრემიერმინისტრის მიმართ მე-5 მუხლის პირველ ნაწილთან კავშირში მე-18 მუხლი დაირღვა. 

ასევე, სასამართლოს გადაწყვეტილებით, მერაბიშვილის მიმართ სულ მცირე 2013 წლის 25 სექტემბრიდან დაირღვა მე-5 მუხლის მე-3 ნაწილიც, რადგან მათი გადაწყვეტილებით, არ არსებობდა მისი ციხეში დატოვების საფუძველი.ადამიანის უფლებათა ევროპულმა სასამართლომ 2016 წლის 14 ივნისს მიიჩნია, რომ ვანო მერაბიშვილის წინასწარი პატიმრობა, ლეგიტიმური მიზნების მიღწევასთან ერთად, ემსახურებოდა არალეგიტიმური მიზნების მიღწევასაც. კერძოდ, პატიმრობა გამოყენებულ იქნა მასზე ზეწოლის მექანიზმად სხვა საქმეებთან დაკავშირებით, რომლებიც მის საქმესთან დაკვშირებული არ იყო, მათ შორის ექსპრეზიდენტ მიხეილ სააკაშვილის წინააღმდეგ და ზურაბ ჟვანიას საქმეზე მიმდინარე გამოძიებებთან. 

სტრასბურგი მიუთითებს, რომ გასული წლის გადაწყვეტილებაში ევროპულმა სასამართლომ მერაბიშვილის მიმართ სახელმწიფოს მხრიდან ადამიანის უფლებათა კონვენციის მე-18 მუხლის (უფლებათა შეზღუდვის გამოყენების ფაქტები) დარღვევა დაადგინა მე–5 მუხლის 1–ლ პუნქტთან ერთად (თავისუფლებისა და პირადი ხელშეუხებლობის უფლება).

რამდენიმე თვეში, 17 ოქტომბერს საქართველოს მთავრობამ აპელაციისთვის სასამართლოს დიდ პალატას მიმართა. 28 ნოემბერს სწორედ აპელაციის შემდეგ მიღებული გადაწყვეტილება გამოცხადდება.

საქართველოს ყოფილი პრემიერმინისტრი და შინაგან მინისტრი, 2012 წელს ხელისუფლების შეცვლის შემდეგ კი ერთიანი ნაციონალური მოძრაობის გენერალური მდივანი, ვანო მერაბიშვილი 2013 წლის მაისში მითვისება-გაფლანგვის და ამომრჩევლის მოსყიდვის ბრალდებით დააკავეს, მოგვიანებით კი სხვა ბრალდებებიც წარუდგინეს - 2011 წლის 26 მაისის აქციისა და სანდრო გირგვლიანის მკვლელობის საქმეებზე უფლებამოსილების გადამეტების მუხლით. მერაბიშვილი 2014 წელს სასამართლომ ყველა საქმეზე დამოუკიდებლად დამნაშვედ ცნო და პატიმრობა შეუფარდა.

ახალი ვიდეო მეტი ვიდეო

ძალადობრივი აქციის მონაწილემ ტაბულას ჟურნალისტს დაარტყა და მობილური გააგდებინა

კომენტარები