მალთაყვაში ფეხბურთის მსაჯი ილო ტუღუში გარდაცვლილი იპოვეს. ამის შესახებ ინფორმაცია მედიით გავრცელდა. შინაგან საქმეთა სამინისტრო სახელს და გვარს არ ადასტურებს და კითხვების პასუხად მხოლოდ იმას ამბობს, რომ საქმე აღძრულია 115-ე, თვითმკვლელობამდე მიყვანის მუხლით.
ადგილობრივი მედიის ინფორმაციით, გარდაცვლილი ლანჩხუთის რაიონის ერთ-ერთ სოფელში ცხოვრობდა, მალთაყვიდან 15-20 კილომეტრში. მათივე ინფორმაციით, გვამი ქუთაისშია გადასვენებული და ექსპერტიზას უტარებენ.
საფეხბურთო სეზონი ამ დროისთვის დასრულებულია.
საქართველოს ფეხბურთის ფედერაცია ღრმა მწუხარებას გამოთქვამს მსაჯის- ილია ტუღუშის გარდაცვალების გამო და თანაუგრძნობს გარდაცვლილის ოჯახის წევრებს, ახლობლებს, მეგობრებსა და სრულიად საფეხბურთო სამყაროს.