რუსთავში ხანძარს სამი ადამიანის სიცოცხლე ემსხვერპლა.
ინტერპრესნიუსის ინფორმაციით, ცეცხლი ერთ-ერთი კორპუსის პირველ სართულზე გაჩნდა, რამაც სადარბაზოში ძლიერი დაკვამლიანება გამოიწვია.
გარდაიცვალა ორი მამაკაცი და ერთი ქალი. კვამლით მსუბუქი ინტოქსიკაცია მიიღო რამდენიმე ადამიანმა.
ადგილზე ამ დროისთვის ექსპერტ-კრიმინალისტები მუშაობენ. ხანძრის გამომწვევ მიზეზებს გამოძიება დაადგენს.
