შსს: სურამში მკვლელობის ბრალდებით ერთი პირი დავაკავეთ

შინაგან საქმეთა სამინისტროს ცნობით, მათ სურამში მკვლელობის ბრალდებით ერთი პირი დააკავეს.

უწყების თქმით, გამოძიებამ დაადგინა, რომ ბრალდებულმა მიმდინარე წლის 29 მაისს სურამში, კონფლიქტის ნიადაგზე, სანადირო თოფიდან გასროლით სასიკვდილო ჭრილობა მიაყენა 1959 წელს დაბადებულ პირს, რომელიც საავადმყოფოში მიყვანისთანავე გარდაიცვალა. ბრალდებული შემთხვევის ადგილიდან მიიმალა.

სამართალდამცველებმა დანაშაულის ჩადენის იარაღი - სანადირო თოფი ნივთმტკიცებად ამოიღეს. შემთხვევის ადგილიდან, ასევე, ამოღებულია გასროლილი ტყვიის მასრაც.

გამოძიება განზრახ მკვლელობის ფაქტზე, 108-ე მუხლით მიმდინარეობს, რაც 7-დან 15 წლამდე ვადით თავისუფლების აღკვეთას ითვალისწინებს.