ავღანეთში, საპარლამენტო არჩევნების დღეს მომხდარ ტერაქტებს საერთო ჯამში, 15 ადამიანი ემსხვერპლა და 200-მდე დაშავდა. დაღუპულებს შორის 10 მშვიდობიანი მოქალაქეა, ხოლო 5 პოლიციელი.
აფეთქებები საარჩევნო უბნებთან მოხდა. გავრცელებული ინფორმაციით, თვითმკვლელი ტერორისტი უბანში შესვლას ცდილობდა.
არჩევნებს, რადიკალური მოძრაობა "თალიბანი" ეწინააღმდეგება. მოსალოდნელი თავდასხმების გამო 7ათასი საარჩევნო უბნიდან მხოლოდ 5 ათასი ამოქმედდა.
საფრთხის გამო საარჩევნო უბნებს 70000-ზე მეტი პოლიციელი იცავდა.
ავღანეთის პარლამენტში, სადაც მხოლოდ 250 მანდატია. ადგილის მოსაპოვებლად 2 565 კანდიდატი იბრძვის. აღსანიშნავია, რომ აქედან 414 ქალია.
არჩევნების შედეგები 10 ნოემბერს გახდება ცნობილი.
