ქართული ოცნება და მედია

ივანიშვილი შეხვედრაზე მაუწყებლებს, მათ შორის იბერიას ეპატიჟება, ასევე R2-ს - მეორედ

0 კომენტარი
ფოტო: Reuters

ბიძინა ივანიშვილის მორიგი შეხვედრა სატელევიზიო მედიასთან 26 ოქტომბერს 11 საათზე გაიმართება. რიგით მეორე შეხვედრაზე მაუწყებლებთან, ივანიშვილი მაესტროს, ობიექტივს, პალიტრას, კავკასიას, იბერიას ეპატიჟება, ასევე R2-ს - ხელმეორედ  

"საზოგადოებას შევახსენებთ, რომ ბიძინა ივანიშვილის მოწოდება მინიმალური მედია სტანდარტის დაცვისა და განსხვავებული აზრის პატივისცემისკენ, ტელეკომპანია რუსთავი2-ის მიერ შეფასებული იქნა როგორც მუქარა და სარედაქციო პოლიტიკაში უხეში ჩარევის მცდელობა.

სწორედ ამიტომ, პარტიის თავმჯდომარე რუსთავი2-ს 26 ოქტომბერს დაგეგმილ შეხვედრაზეც იწვევს, რათა ამ ტელევიზიას  მიეცეს საშუალება, ნებისიერ თემაზე დასვას კითხვები და შეასრულოს განსხვავებული აზრის საკუთარ მაყურებლამდე  მიტანის ვალდებულება, " - ვკითხულობთ განცხადებაში.

მიწვევა მიუვიდა ტელეკომპანია იბერიასაც, რომლის საინფორმაციო სამსახური აღარ ფუნქციონირებს. მისი ხელმძღვანელის, ვახო ხუზმიაშვილის თქმით, გადაწყვეტილება არ მიუღია, დაესწრება თუ არა პრესკონფერენციას.

ახალი ვიდეო მეტი ვიდეო

"ეს იყო ჩემი ცხოვრების შესანიშნავი 4 წელი" - ბრიტანეთის ელჩის გამოსამშვიდობებელი ვიდეო

კომენტარები