ფონიჭალაში, კორპუსში აფეთქების შედეგად სამი ადამიანი დაშავდა

თბილისში, ზემო ფონიჭალაში, სავარაუდოდ, ბუნებრივი აირის აფეთქებამ საცხოვრებელი კორპუსის მე-3 და მე-4 სართულებზე ნგრევა გამოიწვია.

საგანგებო სიტუაციების მართვის სამსახურის წინასწარი ინფორმაციით, დაშავდა 3 ადამიანი.

ადგილზე მობილიზებულია საგანგებო სიტუაციების მართვის სამსახურის სახანძრო-სამაშველო ჯგუფები და ყველა შესაბამისი სამსახური.