საქართველოს პრემიერმინისტრის მამუკა ბახტაძის შეფასებით, არაფერი განსაკუთრებული არ არის იმაში, რომ სალომე ზურაბიშვილის საარჩევნო ბილბორდზე ბიძინა ივანიშვილია გამოსახული.
"ქართული ოცნება, მისი პოლიტიკური გუნდი მხარს უჭერს დამოუკიდებელ კანდიდატ სალომე ზურაბიშვილს. შესაბამისად, ბუნებრივია, თითოეული ჩვენგანი, მათ შორის პარტიის დამფუძნებელი, ბიძინა ივანიშვილი აქტიურად მონაწილეობს წინასაარჩევნო კამპანიაში, აქ განსაკუთრებული არაფერი არ არის“, - განაცხადა მამუკა ბახტაძემ პირველი არხის ცნობით.
ფოტო: .facebook.com/christina.pushh
საარჩევნო ბილბორდების ნაწილზე სალომე ზურაბიშვილი ბიძინა ივანიშვილის და ირაკლი კობახიძის გამოსახულებით ჩანაცვლდა. ახალი ბილბორდები თბილისსა და ბათუმში დღეს დილიდან გამოჩნდა.
