თელავის მუნიციპალიტეტის ინფორმაციით, საქართველოს პრეზიდენტის ინაუგურაციასთან დაკავშირებით 14, 15 და 16 დეკემბერს ქვემეხებიდან "ერთობლივი გასროლა" მოხდება.
მუნიციპალიტეტის ოფიციალური ფეისბუქ გვერდი მოქალაქეებს ამ ინფორმაციის გავრცელებას სთხოვს.
"მოსახლეობის საყურადღებოდ!!! გაცნობებთ, რომ საქართველოს მე-5 პრეზიდენტის ინაუგურაციასთან დაკავშირებით, 2018 წლის 14, 15 და 16 დეკემბერს 13:00სთ-დან 15:00სთ-მდე პერიოდში, მოხდება ქვემეხებიდან ერთობლივი გასროლა. გთხოვთ, გაავრცელოთ აღნიშნული ინფორმაცია", - აღნიშნულია განცხადებაში.
საქართველოს პრეზიდენტის ინაუგურაცია თელავში 16 დეკემბერს გაიმართება.