თბილისის მერიის ინფორმაციით, დღეს, 11:00 საათიდან პირველი რესპუბლიკის მოედანი გადაიკეტება.
უწყება ამის მიზეზად საახალწლო სამზადისს ასახელებს.
"დედაქალაქში წინა საახალწლო სამზადისი გრძელდება. აღნიშნული სამუშაოებიდან გამომდინარე, დღეს, 15 დეკემბერს, 11:00 საათიდან პირველი რესპუბლიკის მოედანი გადაიკეტება, სადაც საახალწლო სოფელი მოეწყობა", - აღნიშნულია განცხადებაში.
თბილისის მერია მოქალაქეებს შეფერხებისთვის ბოდიშს უხდის.