უკრაინის ავტოკეფალიის ცნობის მოთხოვნით საპატრიარქოსთან აქცია გაიმართა.
აქციის მონაწილეებს საპატრიარქოში ტომოსის ასლის დატოვება სურდათ, თუმცა დაცვამ მათ უთხრა, რომ მის დატოვებას ხვალ კანცელარიაში შეძლებენ.
შეგახსენებთ, უკრაინის მართლმადიდებელი ეკლესიისთვის ავტოკეფალიის მინიჭების შესახებ ტომოსს კონსტანტინეპოლის პატრიარქმა ხელი 5 იანვარს მოაწერა. 6 იანვარს სტამბოლში, წმინდა გიორგის ტაძარში მსოფლიო პატრიარქმა ბართლომეოსმა უკრაინის მართლმადიდებელი ეკლესიის წინამძღოლს, მიტროპოლიტ ეპიფანეს ტომოსი გადასცა. ამით უკრაინის მართლმადიდებელი ეკლესიის შექმნა ფორმალურად დასრულდა.
საქართველოს საპატრიარქოს პოზიცია, ამ დრომდე არ დაუფიქსირებია.