17 მაისი

სიძულვილის ჯგუფები და მმკ-ს მღვდლები "ოჯახის სიმტკიცის დასაცავად" აქციას მართავენ (PHOTOS)

0 კომენტარი

სიძულვილის ჯგუფები და მმკ-ს მღვდლები "ოჯახის სიმტკიცის დასაცავად" აქციას მართავენ. მათ ჰომოფობიური შინაარსის ბანერები აქვთ მიტანილი და ხელისუფლებას სთხოვენ, "არ დაუშვას გარყვნილების ქადაგება". აქცია მსვლელობით გაგრძელდება და სამების საკათედრო ტაძარში დასრულდება.

17 მაისი ჰომოფობიასთან და ტრანსფობიასთან ბრძოლის საერთაშორისო დღეა. თუმცა, 2014 წელს, საქართველოს პატრიარქმა ილია მეორემ ის ოჯახის სიწმინდის დღედ დააწესა - ერთი წლის შემდეგ იმ დღიდან, როდესაც სასულიერო პირებმა და მათმა მრევლმა ლგბტ აქტივისტების მცირე ჯგუფზე იძალადა და მათი მცირერიცხოვანი აქცია ძალადობრივად დაშალა. 

ლგბტქი თემი 17 მაისს რაიმე ღონისძიების გამართვას არ გეგმავს, რადგან, როგორც ამბობენ, "ჰომოფობიასთან და ტრანსფობიასთან ბრძოლის დღე პოლიტიკურმა და რელიგიურმა ექსტრემისტულმა ჯგუფებმა მიისაკუთრეს და ლგბტქი ადამიანებისთვის ქუჩაში უსაფრთხო სივრცე აღარ დატოვეს". 

თუმცა, მსვლელობას მართავენ სიძულვილის ჯგუფები და მმკ-ის მღვდლები, ასევე, საპატრიარქო. საპატრიარქოს ორგანიზებული მსვლელობა 17:00-ზე დაიწყება და სამების ეზოში კონცერტით დასრულდება. საპატრიარქო აცხადებს, რომ "ეკლესია ემიჯნება ნებისმიერ ძალადობას, ვისგანაც არ უნდა მომდინარეობდეს იგი".

ახალი ვიდეო მეტი ვიდეო

ბათუმში სავალუტო ჯიხურის დაყაჩაღების ბრალდებით 19 წლის ბიჭი დააკავეს (ვიდეო)

კომენტარები