რუსეთში სახელმწიფო კვლევითი ცენტრის მიერ ჩატარებული გამოკითხვის ინფორმაციით, პუტინისადმი ნდობა 2006 წლის შემდეგ ისტორიულ მინიმუმამდე დაეცა - მას მოსახლეობის 31.7% ენდობა.
აღნიშნული ინფორმაცია კვლევითმა ცენტრმა ვციომი 24 მაისს გამოაქვეყნა.
იანვარში ნდობის მაჩვენებელი 33.4% იყო, ხოლო გასული წლის საპრეზიდენტო არჩევნებზე 55.3%.
დაბალი ნდობის მიუხედავად, მოსახლეობის 65.8%-თვის პუტინი კვლავ მისაღებია.
ყირიმის ანექსიის შემდეგ 2015 წლის ივლისში პუტინისადმი ნდობის მაჩვენებელი 71% იყო, ხოლო 2018 წლის მაისში ეკონომიკის გაუარესებასა და საპენსიო ასაკის გაზრდის შემდეგ - 47.4% გახდა.
გამოკითხვა 13-დან 19 მაისის ჩათვლით ჩატარდა.
