"ცალი თვალითაც გხედავთ" - სპორტსმენების სოლიდარობა აქციას

საფეხბურთო კლუბ "ლოკომოტივის" წევრებმა, ოთო კობახიძემ და დავით ჯიქიამ პარლამენტის შენობასთან აქციის მონაწილეების პროტესტს მხარი დაუჭირეს და მატჩის მიმდინარეობისას ცალ თვალზე ხელი აიფარეს.

ანალოგიური ჟესტით გამოხატა სოლიდარობა საქართველო-იტალიის მატჩზე საქართველოს მორაგბეთა ახალგაზრდული ნაკრების წევრმა, თედო აბჟანდაძემ.

შეგახსენებთ, რომ 20 ივნისს, აქციის დარბევის დროს, სპეცრაზმის მიერ ნასროლი რეზინის ტყვიების შედეგად აქციის რამდენიმე მოქალაქემ თვალი დაკარგა. მეორე დღეს აქციის სხვა მონაწილეები რუსთაველის გამზირზე ახვეული თვალით მივიდნენ.