Wizz Air

Wizz Air-ის 12 ახალი მიმართულებით დაანონსებული ფრენები 2020 წლამდე გადაიდო

0 კომენტარი
ფოტო: wizzair

ავიაკომპანია Wizz Air-ი ქუთაისიდან 2 დამატებით თვითფრინავს და 12 ახალ მიმართულებას 2020 წლიდან დაამატებს.

Wizz Air- მა რამდენიმე ხნის წინ ქუთაისის ბაზაზე ორი ახალი Airbus A320-ის და თორმეტი ახალი მიმართულების დამატება დააანონსა ფრანკფურტ ჰანში, ჰამბურგში, ჰერაკლიონში, კარლსრუე /ბადენ ბადენში, ნეაპოლში, ნიცაში, ნიურნბერგში, პიზაში, პოზნანში, სტოკჰოლმში, ტურკუსა და ვენეციაში.

ავიაკომპანიის ინფორმაციით, ბოინგების მიწოდების ქსელში მოულოდნელმა შეფერხებამ რამდენიმე სხვადასხვა ქვეყნიდან, მათ შორის, საქართველოდან დანიშნულ ახალ ავიარეისებზე მოახდინა გავლენა. 2019 წლის ივნისში დაანონსებული მე-4 და მე-5 ბაზირებული ბოინგები აეროპორტს 2020 წლის ივლისიდან და დეკემბრიდან მოემსახურება, შესაბამისად, თორმეტი ახალი მარშრუტის ამოქმედებაც შედარებით გვიან მოხდება.

მათი განცხადებით, მგზავრებს, რომლებმაც საჰაერო ხომალდების განაწილებამდე უკვე შეიძინეს ბილეთები რომელიმე ზემოთ ხსენებული თორმეტი მიმართულებით, ეცნობებათ ცვლილებების შესახებ.

"მგზავრებს შეეთავაზებათ ბილეთის ცვლილება (აირჩიონ იგივე მარშრუტი, მაგრამ მოგვიანებით ან რომელიმე სხვა  მიმართულება), ბილეთში გადახდილი თანხის 100% დაბრუნება ან ბილეთის საფასურის 120%-ის დაბრუნება მგზავრის WIZZ ანგარიშზე. ავიაკომპანია Wizz Air-ი გულწრფელად უხდის ბოდიშს დაზარალებულ მგზავრებს აღნიშნული ფაქტით შექმნილი უხერხულობის გამო"- აცხადებენ ავიაკომპანიაში. 

ახალი ვიდეო მეტი ვიდეო

თინათინ წულაძე

კომენტარები