საქართველოს ერონვული ბანკის მონაცემებით, 2019 წლის ივლისში საქართველოში შემოსულმა ფულადმა გზავნილებმა 154.5 მილიონი აშშ დოლარი შეადგინა, რაც 443.3 მილიონი ლარის ტოლია.
გასული წლის ანალოგიურ პერიოდთან შედარებით, ფულადი გზავნილების მოცულობა 7%-ით გაიზარდა.
საქართველოდან საზღვარგარეთ ივლისში 19.2 მილიონი დოლარი გაიგზავნა.
აღსანიშნავია, რომ 9.36%-იანი კლების მიუხედავად, ფულადი გზავნილების ყველაზე დიდი მოცულობა კვლავ რუსეთის ფედერაციაზე მოდის. ევროკავშირის ქვეყნებიდან შემოსული ფულადი გზავნილები 21.79%-ით გაზრდილია, ქვეყნების მიხედვით კი ყველაზე დიდი მოცულობის ფულადი გზავნილები იტალიიდან და საბერძნეთიდანაა შემოსული.
