ახლადდანიშნული პრემიერმიინსტრი, გიორგი გახარია თბილისის საერთაშორისო კონფერენციას არ ესწრება.
პრესსამსახურის განმარტებით, მიზეზი ის არის, რომ გახარიას დღეს პრემიერის რანგში პირველი სამუშაო დღე აქვს.
"გიორგი გახარია დღეს შეუდგა პრემიერ-მინისტრის რანგში საკუთარი უფლებამოსილების შესრულებას.
რაც შეეხება "ეკონომიკური პოლიტიკის კვლევის ცენტრისა" და "მაკკეინის ინსტიტუტის" მიერ ორგანიზებულ საერთაშორისო კონფერენციას, მასში მონაწილეოობენ, საქართველოს პარლამენტის თავმჯდომარე, დეპუტატები.
ამასთან, პრემიერ-მინისტრი გიორგი გახარია გუშინ და დღეს სხვადასხვა ფორმატში ხვდება კონფერენციაზე მოწვეულ დიპლომატებს და საერთაშორისო ექსპერტებს", - აცხადებს პრემიერის პრესსამსახური.
„თბილისის საერთაშორისო კონფერენცია“ 2015 წელს დაარსდა ორგანიზაციების - „მაკკეინის ინსტიტუტი საერთაშორისო ლიდერობისთვის“ და „ეკონომიკური პოლიტიკის კვლევის ცენტრის“ მიერ. მეხუთე წელია თბილისი მსოფლიო ლიდერებს მასპინძლობს. 2019 წლის კონფერენცია - Now What? - დღეს, სექტემბერს გაუიხსნა.
მონაწილეთა შორის არიან პოლიტიკისა და უსაფრთხოების საკითხებში აშშ-ის და დასავლეთ ევროპის ქვეყნების ლიდერები, მათ შორის ამერიკელი დიპლომატები, მეთიუ ბრაიზა და ჯონ ტეფტი. ასევე, აშშ-ის სახელმწიფო მდივნის თანაშემწის მოვალეობის შემსრულებელი ფილიპ რიკერი და საერთაშორისო პრესის წარმომადგენლები.
კონფერენციას ესწრებიან საქართველოს მმართველი გუნდის და ოპოზიციის წევრები, ასევე, არასამთავრობო ორგანიზაციის წარმომადგენლები ესწრებიან.