ქუთაისის ცენტრალურ პარკში სამეცნიერო პიკნიკზე ქიმიური კოლბა გასკდა. კოლბა 33-ე სკოლის კარავში გასკდა და 5 მოსწავლის დაზიანება გამოიწვია.
როგორც შინაგან საქმეთა სამინისტროში "ტაბულას" უთხრეს, კოლბის ნამსხვრევებით მოსწავლეებმა მსუბუქი დაზიანებები მიირეს. მათ სამედიცინო დახმარება ჩაუტარდათ. მოსწავლეების ჯანმრთელობას საფრთხე არ ემუქრება.
გამოძიება სისხლის სამართლის კოდექსის 124-ე მუხლით მიმდინარეობს, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს.