საგანგებო სიტუაციების მართვის სამსახური ცნობით, ფეიქრების ქუჩაზე Georgian Water and Power-ის საწყობში ხანძარი ლიკვიდირებულია.
საწყობს ხანძარი რამდენიმე საათის წინ გაუჩნდა. უწყების ინფორმაციით, ადგილზე მისულ მეხანძრე-მაშველებს დაახლოებით 200 კვ/მ ფართობზე გავრცელებული ხანძარი დახვდათ.
"არსებობდა ცეცხლის გავრცელების საფრთხეც, თუმცა მეხანძრე-მაშველების ეფექტური მუშაობის შედეგად, დროულად მოხერხდა ცეცხლის ჩაქრობა,"- წერია განცხადებაში.
საგანგებო სიტუაცების მართვის სამსახურის ცნობით, ხანძრის შედეგად არავინ დაშავებულა. ფეიქრების ქუჩაზე 8 სახანძრო-სამაშველო ჯგუფი მუშაობდა.
