დღეს, 7 ოქტომბერს, სოციალურ ქსელში გავრცელდა ფოტო, სადაც ჩანს ქვაფენილის ნაწილზე დაგებული ასფალტი.
ფოტო ბათუმში, მემედ აბაშიძისა და დემეტრე თავდადებულის ქუჩების კვეთაშია გადაღებული და ფეისბუქზე რამდენიმე საათის წინ გავრცელდა.
აჭარის საზოგადოებრივ მაუწყებელს ბათუმის მერიაში უთხრეს, რომ კონტრაქტორმა კომპანიამ სამუშაოები შაბათს, 5 ოქტომბერს შეასრულა. უწყებაში ასევე ამბობენ, რომ შპს "გზები" გაფრთხილებულია და ხარვეზს გამოასწორებს.
ამის შემდეგ, ტერიტორიაზე სპეციალური ტექნიკა მივიდა და ჩაასფალტებულ ქვაფენილს ყრის.
