IRI-ის კვლევა

IRI: მოსახლეობის 71%-ს სჯერა, რომ დემოკრატია საქართველოსთვის საუკეთესო მმართველობის ფორმაა

0 კომენტარი
სირცხვილია - ანტირუსული აქცია პარლამენტის წინ ფოტო: CNN

საერთაშორისო რესპუბლიკური ინსტიტუტის (IRI) ახალი კვლევის მიხედვით, გაიზარდა მათი რიცხვი, ვინც თვლის, რომ დემოკრატია საქართველოსთვის მმართველობის საუკეთესო ფორმაა.

11 სექტემბრიდან 14 ოქტომბრამდე პერიოდში ჩატარებული კვლევის მიხედვით, 71% თვლის, რომ დემოკრატია საქართველოსთვის მმართველობის საუკეთესო ფორმაა, 11% მიიჩნევს, რომ არსებობს მმართველობის სხვა ფორმები, რომლებიც ასევე კარგი იქნება საქართველოსთვის, ხოლო 6% კი მიიჩნევს, რომ არსებობს მმართველობის სხვა ფორმები, რომლებიც დემოკრატიაზე უკეთესი იქნება საქართველოსთვის. 

12%-მა არ იცის, ან არ აქვს პასუხი.

აღსანიშნავია, რომ მაისი-ივნისში (20 ივნისამდე) ჩატარებულ კვლევაში მოსახლეობის მხოლოდ 58% ფიქრობდა, რომ დემოკრატია მმართველობის საუკეთესო ფორმაა. 13% მიიჩნევდა, რომ არსებობს მმართველობის სხვა ფორმები, რომლების ასევე კარგი იქნებოდა საქართველოსთვის, ხოლო ასევე 6% კი მიიჩნევდა, რომ არსებობს მმართველობის სხვა ფორმები, რომლებიც დემოკრატიაზე უკეთესი იქნება საქართველოსთვის. 

მაშინ 23%-მა არ იცოდა, ან არ ჰქონდა პასუხი ამ შეკითხვაზე. 

ამასთან, შეკითხვაზე, რა არის 3 მთავარი გამოწვევა საქართველოს დემოკრატიული განვითარებისთვის, 31% პასუხობს, რომ უმუშევრობა, 28% - ეკონომიკური პრობლემები, 15% - არასწორი საჯარო პოლიტიკა, 12% - დაკარგული ტერიტორიები, 10% - განათლების პრობლემები.

კვლევა, რომელიც საქართველოს მასშტაბით 11 სექტემბრიდან 14 ოქტომბრამდე პერიოდში ჩატარდა, IRI-იმ 19 ნოემბერს გამოაქვეყნა.

კვლევის ფარგლებში 1500 სრულწლოვანი რესპონდენტი პირისპირი ინტერვიუს მეთოდით გამოიკითხა. საველე სამუშაოები 11 სექტემბრიდან 14 ოქტომბრამდე პერიოდში ჩატარდა. ცდომილების სავარაუდო ზღვარი +- 2.5%-ია.

ახალი ვიდეო მეტი ვიდეო

ბოკერია სემეკის კანონპროექტზე: რატომ გეჩქარებათ? ამ კანონის გარეშე დაინგრა ქვეყანა?

კომენტარები