ხულოში, სოფელ მეხალაშვილებში გვიან ღამით გაჩენილმა ძლიერმა ხანძარმა 7 სახლი მთლიანად გაანადგურა. ხანძრის შედეგად არავინ დაშავებულა.
როგორც ხულოს მუნიციპალიტეტის მერმა, ვახტანგ ბერიძემ რუსთავი 2-ს უთხრა, ხანძარი ერთ-ერთ სახლში გაჩნდა, შემდეგ კი ახლოს მდებარე ხის სახლებსა და სათავსოებზე გავრცელდა.
ხულოს მუნიციპალიტეტის მერის ინფორმაციით, ამ დროისათვის ხანძარი ლოკალიზებულია. მისივე თქმით, ოჯახებს ქირით გადაიყვანენ.
