ქართული ოცნებიდან გასული დეპუტატები საპარლამენტო ფრაქციას ქმნიან, რომლის თავმჯდომარეც მარიამ ჯაში იქნება.
ფრაქციას ექვსი წევრი ეყოლება - ლევან კობერიძე, ლევან გოგიჩაიშვილი, მარიამ ჯაში, გედევან ფოფხაძე, კობა ნარჩემაშვილი და ზვიად კვაჭანტირაძე.
ახალი ფრაქციის წევრთა ნაწილმა უმრავლესობა უზენაესი სასამართლოს მოსამართლეების კანდიდატების გამო დატოვა, ხოლო ნაწილმა - პროპორციულ სისტემაზე გადასვლის შესახებ კანონპროექტის ჩაგდების გამო.