ყასემ სოლეიმანი

ყასემ სოლეიმანის ქალიშვილი აშშ-ს ყველაზე ბნელი დღეების დადგომით ემუქრება

0 კომენტარი
ფოტო: Reuters

ირანელი გენერლის, ყასემ სოლეიმანის, რომელიც აშშ-ის საჰაერო თავდასხმისას ბაღდადის აროპორტთან მოკლეს, დაკრძალვას თეირანის ქუჩებში ათობით ათასი ადამიანი დაესწრო. სოლეიმანის ქალიშვილმა ზეინაბმა თქვა, რომ მისი მკვლელობა აშშ-ს "ყველაზე ბნელ" დღეებს მოუტანს.

"შეშლილო ტრამპ, არ იფიქრო, რომ მამაჩემის მოწამეობით ყველაფერი დასრულდა. ახლო აღმოსავლეთში მყოფი ამერიკელი ჯარისკაცების ოჯახები თავიანთ დღეებს საკუთარი შვილების სიკვდილის მოლოდინში გაატარებენ." თქვა მან ირანის სახელმწიფო ტელევიზიის ეთერში.

დაკრძალვას ესწრებოდნენ ირანის უზენაესი ლიდერი აიათოლა ალი ხამენეი და პრეზიდენტი ჰასან როუჰანი. ასევე დაჯგუფება ჰამასის ლიდერი ისმაილ ჰანია.

ირანელ გენერალთან ერთად პროცესიაზე ჩამოატარეს ერაყის შეიარაღებული დაჯგუფების ქათა'იბ ჰეზბოლას ლიდერის, აბუ მაჰდი ალ-მუჰანდისის კუბოც, რომელიც იმავე საჰაერო თავდასხმისას მოკლეს. თეირანის ქუჩებში შეკრებილთა ნაწილი სკანდირებდა შეძახილს "სიკვდილი ამერიკას".

შეგახსენებთ, რომ 3 იანვარს ბაღდადში აშშ-ის სარეკეტო თავდასხმისას ყველაზე გავლენიანი ირანელი გენერალი ყასემ სოლეიმანი მოკვდა. ბოლო 20 წლის განმავლობაში ირანის ყველა სამხედრო აქტივობის უკან სწორედ სოლეიმანი იდგა. ირანის უმაღლესი ლიდერი აიათოლა ალი ხამინეი სოლემანის მკვლელობაზე პასუხისმგებელ პირებს სასტიკი შურისძიებით დაემუქრა. მსგავსი განცხადებები გააკეთეს, ირანის პრეზიდენტმა ჰასან როუჰანიმ და საგარეო საქმეთა მინისტრმა ჯავად ზარიფმა.

მუქარის პასუხად ტრამპმა თქვა, რომ აშშ-ს სამიზნეში აქვს ამოღებული 52 ირანული ობიექტი, მათ შორის კულტურული მემკვიდრეობის ძეგლებიც. ამ განცხადებაზე კრიტიკას კი ამგვარად უპასუხა:

"მათ შეუძლიათ დახოცონ ჩვენი ხალხი. მათ შეუძლიათ აწამონ და დაასახიჩრონ ჩვენი ხალხი. მათ შეუძლიათ გამოიყენონ გზისპირა ნაღმები რათა ააფეთქონ ჩვენი ხალხი. და ჩვენ უფლება არ გვაქვს შევეხოთ მათ კულტურულ ძეგლებს? ეს ასე არ მუშაობს." თქვა მან.

ახალი ვიდეო მეტი ვიდეო

შსს-მ გაავრცელა ჩანაწერი, როდესაც ფოტოგრაფმა იაკობ ბრეგვაძემ 112-ში დარეკა (აუდიო)

კომენტარები