იტალიაში ახალი კორონავირუსით გარდაცვლილთა რაოდენობა 2,158-მდე გაიზარდა. ბოლო 24 საათში ქვეყანაში ვირუსით 349 ადამიანი გარდაიცვალა.
გაზრდილია კორონავირუსით ინფიცირებულთა რიცხვიც. 16 მარტის მონაცემებით, იტალიაში ვირუსით დაინფიცირების 3,233 ახალი შემთხვევა აღირიცხა - სულ კი ახალი კორონავირუსით 27,980 ადამიანი დაინფიცირდა.
ამ დროის ოფიციალური მონაცემებით, მსოფლიოში კორონავირუსით 179,223 ადამიანი დაინფიცირდა, აქედან 78,285 გამოჯანმრთელდა, ხოლო 7,067 პირი გარდაიცვალა.
