საქართველოში კორონავირუსით ინფიცირებულთა რაოდენობა 208-მდე გაიზარდა. დადასტურდა ინფიცირების 12 ახალი შემთხვევა. მათგან 46 ადამიანი გამოჯანმრთელდა.
მონაცემები stopcov.ge-ზე გამოქვეყნდა.
კარანტინის რეჟიმში 4 674 ადამიანია, სტაციონარში - 362.
საქართველოში კორონავირუსით 3 ადამიანი გარდაიცვალა.
30 მარტს მიღებული გადაწყვეტილებით, საქართველოში კარანტინი გამოცხადდა, 21:00 საათიდან 06:00 საათამდე - კომენდანტის საათი.
21 აპრილამდე ქვეყანაში საგანგებო მდგომარეობაა გამოცხადებული. მანამდე, კარანტინის რეჟიმში ორი მუნიციპალიტეტი, მარნეული და ბოლნისი იყო.