თსსუ-ის პირველი საუნივერსიტეტო კლინიკის დირექტორის, ლევან რატიანის, ინფორმაციით, კორონავირუსით გარდაცვლილი მე-8 პაციენტი 72 წლის ქალია, რომელიც კლინიკაში 14 აპრილს შეიყვანეს.
რატიანის თქმით, გარდაცვლილს თანმხლები დაავადებები ჰქონდა:
"ძირითადი დიაგნოზი არის კოვიდინფიცირების შედეგად გამოწვეული სუნთქვის მწვავე უკმარისობა, მწვავე რესპირატორული დისტრესი, მწვავე მიოკარდიულ-ვირუსული ენდოკარდიტის დიაგნოზით, სეფსისი, სეპტიური შოკი. ანამნეზი დატვირთულია ქრონიკული პათოლოგიებით. ანამნეზით ქალბატონს აღენიშნებოდა გულის უკმარისობა, მეორე-მესამე კლასის არტერიული ჰიპერტენზია, მორბიდული სიმსუქნე"- ამბობს რატიანი.
2 მაისს, დილით, საქართველოში კორონავირუსით ინფიცირებული კიდევ ერთი, მერვე პაციენტი გარდაიცვალა.
ქვეყანაში ამ დროისთვის კორონავირუსის 582 დადასტურებული შემთხვევაა. გამოჯანმრთელდა 207 ადამიანი.
კარანტინში 5152 ადამიანი იმყოფება, სტაციონარში მეთვალყურეობის ქვეშ - 551
