ავიაკომპანია Turkish Airlines გეგმავს, ივნისიდან ეტაპობრივად დაიწყოს სხვადასხვა ქვეყნის მიმართულებით ფრენების აღდგენა.
კომპანიის აპრილის გეგმის თანახმად, ივნისიდან ფრენები 19 ქვეყანაში განახლდება და მათ შორის საქართველოცაა.
ქვეყნების 99%-ში ფრენების აღდგენას Turkish Airlines სექტემბრისთვის გეგმავს.
კორონავირუსის პანდემიის გამო საერთაშორისო ფრენების შეწყვეტამდე ავიაკომპანია მსოფლიოს 126 ქვეყანაში დაფრინავდა.
ამასთან, კომპანია ივნისისთვის გეგმავს, შიდა ფრენების 60% აღადგინოს.
იმ ქვეყნების ჩამონათვალი, სადაც Turkish Airlines უკვე ივნისისთვის გეგამვს ფრენების აღდგენას, ასეთია:
კანადა, ყაზახეთი, ავღანეთი, იაპონია, ჩინეთი, სამხ. კორეა, სინგაპური, დანია, შვედეთი, გერმანია, ნორვეგია, ავსტრია, ნიდერლანდები, ბელგია, ბელარუსი, ისრაელი, კუვეიტი, საქართველო და ლიბანი.
თავდაპირველად კომპანია კვირაში 75 ფრენას შეასრულებს.
