დღეის, 22 მაისის, შემდეგ საგანგებო მდგომარეობა სრულდება, უქმდება კომენდანტის საათიც.
თუმცა, კომენდანტის საათი 22 მაისს, 21:00-დან 00:00-მდე, 3 საათით მაინც იმოქმედებს.
23 მაისიდან იხსნება მანქანაში 3 ადამიანზე მეტის მგზავრობის შეზღუდვა, გარდა ტაქსისა.
არ არის ცნობილი, როდის გაიხსნება საზოგადოებრივი ტრანსპორტი.
დახურული რჩება კაფეები, რესტორნები, სასტუმროები, სპორტული დარბაზები, ტანსაცმლის მაღაზიები.
ჩაკეტილი დარჩება ბოლნისის 2 სოფელი - მუშევანი და გეტა.
საგანგებო მდგომარეობა საქართველოში 21 მარტიდან მოქმედებს.