წმ. ბარბარეს ეკლესია

ძეგლთა დაცვა: ეკლესიაში საფლავების დაზიანებაზე მყისიერი სამართლებრივი ქმედება იქნება

0 კომენტარი
ფოტო: Facebook/ George Tiginashvili

კულტურული მემკვიდრეობის დაცვის ეროვნულმა სააგენტომ ტაბულას უთხრა, რომ ნავთლუღში წმ. ბარბარეს ეკლესიაში ისტორიული ძეგლების განადგურებაზე სააგენტოს დაუყენებლივი სამართლებრივი რეაგირება ექნება. 

განცხადებას, რომელიც სააგენტოში მოგვაწოდეს, უცვლელად გთავაზობთ. 

"იქნება დაუყონებლივი სამართლებრივი ქმედება. წინასწარი დათვალიერების შედეგად აქ იკვეთება სისხლისსამართლებრივი პასუხისმგებლობის ნიშნები. ჩვენი ზედამხედველობის სამსახურის ჯგუფი ადგილზე გაეცნობა შექმნილ ვითარებას და უკვე დაიწყება ქმედებები, როგორც სამართლებრივი, ისე ძეგლთა დაცვის მიმართულებით. 

ძალიან დიდი მადლობა მინდა გადავუხადო ამ ფოტომასალების გამავრცელებლებს მაღალი საზოგადოებრივი თვითშეგნებისთვის და სწორედ ასეთი მოქალაქეების ქცევებისგან ხდება ძეგლთა დაცვის ეფექტური მექანიზმების შემუშავება, ვინაიდან ჩვენი უწყება რესურსის თვალსაზრისით მოკლებულია იმას, რომ პერმანენტული ზედამხედველობა გვქონდეს ეკლესია-მონასტრებზე. 

მოქმედება იქნება მყისიერი და ამავდროულად ეს არ იქნება ერთჯერადი ქმედება, ალბათ, უახლოეს პერიოდში ამ საკითხს დავაყენებთ საპატრიარქოსთან, რომ ერთხელ და სამუდამოდ მორჩეს ეს მავნე პრაქტიკა". – აცხადებს სააგენტო. 

თეოლოგმა გიორგი ტიგინაშვილმა დღეს სოციალურ ქსელ Facebook-ში გაავრცელა ფოტოები, რომლითაც ირკვევა, რომ ნავთლუღის წმ. ბარბარეს ქვემო ეკლესიაში ისტორიული იერსახე განადგურდა. განადგურებულია თავადი სუმბათაშვილების მე-19 საუკუნის საფლავები და მათზე აღბეჭდილი წარწერებიც. 

ფოტოებთან ერთად ტიგინაშვილი პოსტსაც აქვეყნებს იმის შესახებ, თუ რა შეიცვალა და განადგურდა ეკლესიაში. როგორც თეოლოგი წერს, ეს ყველაფერი ეკლესიის წინამძღვრის, დეკანოზ ისე არხოზიშვილის ხელმძღვანელობით მოხდა. 

ახალი ვიდეო მეტი ვიდეო

"ეს იყო ჩემი ცხოვრების შესანიშნავი 4 წელი" - ბრიტანეთის ელჩის გამოსამშვიდობებელი ვიდეო

კომენტარები