ეკონომიკის სამინისტრო ივნისის თვის ეკონომიკური ზრდის სტატისტიკას ეხმაურება. სამინისტროს შეფასებით, ივნისში მშპ-ს 7.7%-იანი კლება იმის ნიშანია, რომ "ეკონომიკა თანდათან ჯანსაღდება და გამოცოცხლებას იწყებს.
სამინისტროსთვის ოპტიმიზმის საფუძველი ის არის, რომ მაისსა და აპრილთან შედარებით, ივნისში კლების დონე განახევრდა. ცნობისთვის: მაისში საქართველოს ეკონომიკა 13.5%-ით შემცირდა, ხოლო აპრილში 16.6%-ით.
სამინისტროს მიერ გამოქვეყნებულ განცხადებაში ასევე, ნათქვამია, რომ დინამიკა საქართველოს მთავრობის გადადგმულ სწორ ნაბიჯებს ადასტურებს და მალე საქართველოს ეკონომიკა გადალახავს უარყოფითი გარემოს.
მიმდინარე წლის პირველ ნახევარში საქართველოს ეკონომიკა ჯამურად 5.8%-ით შემცირდა. თვეების მიხედვით ეკონომიკური ზრდის მაჩვენებლები შემდეგნაირად გამოიყურება:
- იანვარი — +5.1%;
- თებერვალი — +2.2%;
- მარტი — -2,7%;
- აპრილი — -16.6%;
- მაისი — -13.5%;
- ივნისი — -7.7%.