საქართველოში ახალი კორონავირუსით ინფიცირების შემთხვევებით 10-ით გაიზარდა, გამოჯანმრთელებულების კი – 6-ით.
მონაცემები სპეციალურ საინფორმაციო საიტზე 19 აგვისტოს, 09:45 საათზე განახლდა.
დაავადებათა კონტროლისა და საზოგადოებრივი ჯანმრთელობის დაცვის ეროვნული ცენტრის (NCDC) ხელმძღვანელის, ამირან გამყრელიძის თქმით, 10 ახალი შემთხვევიდან 3-ის წყარო ჯერჯერობით ცნობილი არ არის.
რაც შეეხება დანარჩენებს, ერთი ლენჯერის კლასტერიდანაა, თუმცა, არა ინფიცირებულს ვირუსი არა სვანეთში, არამედ თბილისში დაუდასტურდა. 4 შემთხვევა დადასტურებულ ინფიცირებულებთან კონტაქტია, ორიც კი შემოტანილია და მათ ახალი კორონავირუსი საკარანტინო ზონაში დაუდასტურდათ.
ამ დროისთვის სულ ქვეყანაში ახალი კორონავირუსის ინფიცირების 1 361 შემთხვევაა დადასტურებული, საიდანაც 1 098 გამოჯანმრთელდა, 17 ადამიანი კი გარდაიცვალა.
