ეკონომიკა

წელს ტურიზმიდან მიღებული შემოსავალი 1,8 მილიარდი დოლარით შემცირდა

0 კომენტარი

საქართველოს ეროვნულმა ბანკი აგვისტოს მაკროეკონომიკურ მიმოხილვას აქვეყნებს. სხვა მონაცემებთან ერთად, ანგარიში შეიცავს ქვეყანაში შემოსული ტურისტებისა და საერთაშორისო მოგზაურობიდან მიღებული შემოსავალსაც. 

ბანკის მონაცემებით, აგვისტოში ტურისტების რაოდენობა თითქმის სრულად, 95,4%-ით შემცირდა, რაც ასევე, აისახა სექტორიდან მიღებულ შემოსავალზეც. ანგარიშის მიხედვით, აგვისტოში საერთაშორისო მოგზაურობიდან საქართველომ 14.8 მილიონი მიიღო, რაც წინა წლის მაჩვენებელთან შედარებით 96,4%-ით ნაკლებია. 

ამგვარად, მიმდინარე წელს საერთაშორისო მოგზაურობიდან საქართველომ სულ 483,4 მილიონი დოლარი მიიღო, რაც წინა წლის ანალოგიურ მაჩვენებელთან შედარებით თითქმის 80%-ით ნაკლებია. შედარებისთვის გასული წლის პირველ რვა თვეში ტურიზმიდან მიღებულმა შემოსავალმა 2,2 მილიარდ დოლარს გადააჭარბა, კლების მოცულობა დაახლოებით, 1,8 მილიარდ დოლარს შეადგენს. 

ტურისტული სექტორიდან მიღებული შემოსავლები შემდეგნაირად გამოიყურება:

  • 2019 წლის, იანვარი - $164,5 მლნ;  2020 წელი - $193,4 მლნ;
  • 2019 წლის თებერვალი - $169,2 მლნ; 2020 წელი- $160.5 მლნ;
  • 2019 წლის მარტი - $244,7 მლნ;     2020 წელი - $73,8 მლნ;
  • 2019 წლის აპრილი - $267,2 მლნ;    2020 წელი - $8.5 მლნ; 
  • 2019 წლის მაისი - $270,4 მლნ;      2020 წელი - $9,1 მლნ;
  • 2019 წლის ივნისი - $340 მლნ;       2020 წელი - $11.2 მლნ;
  • 2019 წლის ივლისი - $395,4 მლნ;   2020 წელი - $12,1 მლნ;
  • 2019 წლის აგვისტო - $412,8 მლნ;  2020 წელი - $14.8 მლნ;

ახალი ვიდეო მეტი ვიდეო

პროკურატურა: ნაცემი შაქარაშვილი გადააგდეს არაგვში, რის შედეგადაც ის გარდაიცვალა

კომენტარები