ინდონეზიის სასამართლომ დღეს ისლამისტ ექსტრემისტს, უმარ პათეკის 20 წლით თავისუფლების აღკვეთა მიუსაჯა. პათეკი დამნაშავედ ცნეს ინდონეზიის კუნძულ ბალიზე 2002 წელს განხორცილებული აფეთქების ორგანიზებაში.
2002 წლის ოქტომბერში მომხდარი ტერაქტის შედეგად 200 - ზე მეტი ადამიანი დაიღუპა, მათ შორის ინდონეზიის, ავსტრალიის და აშშ-ის მოქალაქეები.
პათეკი ალ-ქაიდასთან დაკავშირებული ერთ-ერთი მოძრაობის ლიდერი იყო.
სასამართლომ უმარ პათეკი აგრეთვე, სხვა ტერაქტთან დაკავშირებით ცნო დამნაშავედ. 2000 წელს ჯაკარტას ქრისტიანულ ეკლესიასთან განხორციელებულ აფეთქებას 19 ადამიანი სიცოცხლე ემსხვერპლა.
თავად ერთ-ერთი ტერორისტული ორგანიზაციის წარმომადგენელი კი აცხადებს, რომ აღნიშნულ აფეთქებებში მას მცირე წვლილი მიუძღვის.
