ტელეკომპანია მაესტრომ, სატელიტური ანტენების დარიგებასთან დაკავშირებით, საქართველოს უწყებათაშორისი კომისიის შეთავაზება მიიღო. თანხმობის შესახებ უწყებათაშორის კომისიას უკვე ეცნობა.
გუშინ, კანცელარიაში გამართულ შეხვედრაზე გადაწყდა, რომ ტელეკომპანია მაესტროს ანტენებს ყადაღა მოეხსნებათ. შეთავაზების თანახმად, ტელეკომპანიის ანტენები საქართველოს ფოსტის მეშვეობით, მაესტროს სახელით დარიგდება.
,,ტელეკომპანია მაესტრომ შეთავაზება მიიღო. ახლა მოხდება შეთანხმება, თუ როდის გაიმართება პირველი შეხვედრა და მოლაპარაკებები. ამ შეხვედრაზე ანტენების ფასზე და სხვა დეტალებზე იქნება საუბარი. იმედს გამოვთქვამ, რომ მოლაპარაკებების შედეგი მაესტროსთვის და მოსახლეობისთვისაც მისაღები იქნება.’’- განაცხადა გაზეთ რეზონანსის რედაქტორმა, ლაშა ტუღუშმა.
შეგახსენებთ, საუბარია ტელეკომპანია მაესტროს 30 ათას ანტენასა და 15 ათას რესივერზე, რომლებიც სასამართლომ დააყადაღა.