The Washington Post

მფლობელებმა The Washington Post და The Boston Globe გაყიდეს

0 კომენტარი
ფოტო: Washington Post Co.

The Washington Post 250 მილიონ აშშ დოლარად გაიყიდა. გაზეთი Amazon.com-ის დამფუძნებელმა ჯეფრი ბეზოსმა შეიძინა. თანხის სანაცვლოდ, ბეზოსი The Washington Post Company-ის კუთვნილ ყველა გამოცემას ყიდულობს.

გაზეთის გაყიდვის შესახებ აღმასრულებელმა დირექტორმა და თავმჯდომარემ დონალდ გრემმა ორშაბათს განაცხადა. Washington Post-ს გრემის ოჯახის უკვე მესამე თაობა მართავდა.

გრემის ოჯახმა Washington Post 1933 წელს აუქციონზე იყიდა. არსებობის მანძილზე დღიური ბრუნვის მაქსიმალური რაოდენობა 900 000-ს შეადგენდა. წელს კი, მარტის მონაცემებით, ბრუნვა 475 000-მდე დაეცა. გაზეთში დასაქმებულთა რიცხვიც 1000-დან 600-მდე შემცირდა.

Washington Post არ არის ერთადერთი გამოცემა, რომელიც გაიყიდა. გასულ კვირას The New York Times Company-მ გაზეთი The Boston Globe 70 მილიონ აშშ დოლარად გაყიდა, მაშინ როდესაც 1993 წელს თავად 1.1 მილიარდ დოლარად შეიძინა. გაზეთის ამჟამინდელი მფლობელი ბოსტონის ბეისბოლის გუნდის - Boston Red Sox-ის მეპატრონე ჯონ ჰენრია.

ანალიტიკოსთა თქმით, დღეს გაზეთებს ბაზარზე მნიშვნელოვანი როლი აღარ აქვთ. ისინი მოგებაზე ორიენტირებულები არ არიან და ფინანსური წნეხისგან თავის დაღწევა სჭირდებათ.

ახალი ვიდეო მეტი ვიდეო

"იარაღის მუქარით ტელეფონები და ფული წაართვა" - სენაკში ყაჩაღობისთვის 63 წლის კაცი დააკავეს

კომენტარები