2004 წლის 19 აგვისტოს ტექნოლოგიური გიგანტი Google საფონდო ბირჟაზე პირველად შეთავაზებას აკეთებს, აქციის საწყისი ფასით $85 და საბაზრო კაპიტალიზაციით $23 მილიარდი.
2014 წლის 19 აგვისტოს კომპანიის საბაზრო კაპიტალიზაცია $400 მილიარდს აღწევს.
Wall Street Journal-მა Google-ის საფონდო ბირჟაზე ყოფნის 10 წლის იუბილეს აღსანიშნავად ფინანსური მონაცემების შედარებითი სია გამოაქვეყნა, სადაც ჩანს, რომ 2004 წელთან შედარებით 2014 წელს კომპანიის შემოსავლები $3 მილიარდიდან $67 მილიარდამდე ავიდა.
გარდა შემოსავლებისა კომპანიას თვიური ვიზიტორების რიცხვიც გაეზარდა 2004 წელს 64 მილიონიდან 2014 წელს 236 მილიონამდე.
2004 წელს კომპანიის შემოსავლების თითქმის 100% რეკლამიდან შემოდიოდა, 2014 წელს სურათი ძალიან არ შეცვლილა და Google შემოსავლების 90%-ს კვლავ სარეკლამო აქტივობიდან იღებს.
დღესდღეობით კომპანიაში 50 000 ადამიანზე მეტია დასაქმებული და ერთი აქციის ფასი 587 ამერიკულ დოლარს შეადგენს.