ერთიანი ნაციონალური მოძრაობის ოფისთან გამართულ გუშინდელ აქციაზე დაკავებულ თავისუფალი თაობის წარმომადგენლებს და მხარდამჭერებს სასამართლომ ადმინისტრაციული სამართალდარღვევისთვის ჯარიმები დააკისრა.
ნაწილს, მათ შორის, ლადო სადღობელაშვილს, 166-ე წვრილმანი ხულიგნობის მუხლით 100-ლარიანი ჯარიმა დაეკისრა, ნაწილს კი 173-ე, პოლიციისთვის წინააღმდეგობის გაწევის მუხლით - 400-ლარიანი.
ნაციონალური მოძრაობის ცენტრალურ ოფისთან გუშინ საღამოს თავისუფალი თაობის წარმომადგენლებმა საპროტესტო აქცია გამართეს, სადაც პარტიის გაუქმებას ითხოვდნენ. პოლიციასა და აქციის მონაწილეებს შორის შეხლა-შემოხლა მოხდა, რა დროსაც თავისუფალი თაობის წარმომადგენლები დააკავეს.