სოციალურად დაუცველი პირებისათვის დახმარების გაცემა დიფერენცირებული სქემით მოხდება - ამ მიმართულებით შემუშავებულ ახალ მეთოდოლოგიას სოციალური მომსახურების სააგენტოს ხელმძღვანელი, გაიოზ თალაკვაძე პარლამენტის ჯანდაცვის კომიტეტს აცნობს. მისი თქმით, აქამდე არსებული მეთოდოლოგია მთლიანად შეიცვლება.
პარლამენტის ჯანდაცვის კომიტეტის სხდომას ნაციონალური მოძრაობის წევრი, ჯანდაცვის ყოფილი მინისტრი ზურაბ ჭიაბერაშვილიც ესწრება. ის ამბობს, რომ მეთოდოლოგიასთან დაკავშირებით გარკვეული კითხვები აქვს.
