"NATO-ს წევრობის მსურველ ქვეყნებს უარი უნდა ეთქვას, რადგან NATO ამ ეტაპზე არ უნდა გაფართოვდეს", - ამის შესახებ საფრანგეთის პრეზიდენტმა ფრანსუა ოლანდმა NATO-ს გენერალურ მდივანთან იენს სტოლტენბერგთან შეხვედრისას განაცხადა და აღნიშნა, რომ ეს საფრანგეთის პოზიციაა.
"ამ მომენტისთვის იმ ქვეყნებთან მიმართებით, რომლებსაც სურთ NATO-ში გაწევრიანება, საფრანგეთი ისეთ პოზიციაზე დგას, რომელიც გულისხმობს, რომ ყველა განაცხადს უარი უნდა ეთქვას, რადგან ჩვენ ვფიქრობთ, რომ NATO ამ ეტაპზე არ უნდა გაფართოვდეს", - განაცხადა ოლანდმა.
